ANG AKING LAHI

Pinanariwa ang pagkatao sa kanyang pinagmulan
Pinatitibay ang kalooban sa dugong pinagsaluhan
Bagamat may kahinaan sa marupok na sandaigdigan
Ang tahanan pa rin ang mukha ng aking katotohanan

Mga magulang at mga kapatid ay mga biyayang tunay
Sinasalamin ang kalooban at kaangkinang taglay
Hindi man hinulma sa nasang ibig na kulay
Ito pa rin ang dahilan ng pagpapatuloy ng buhay

Ang aking lahi, ang aking tahanan
Yurakan man at alipustahin ng mundong maalam
Patuloy ko pa ring ipagsisigawan kahit saanman
Minamahal ko ang lahing aking pinagmulan